Cinemon Media Factory e млада продукција, основана е 2021 година на иницијатива на филмски фанатици кои во филмот и телевизијата се повеќе од дваесет и пет години. Друштвото го основа Игор Соколовски, режисер и продуцент. Неговата намера беше да им помогне на своите колеги и соработници да ги реализираат своите филмски и телевизиски идеи како независни продукции и проекти.
Се започна со нискобуџентиот филм ``Кино Љубов``, приказна за еден актер кој цел живот мечтае да има свое, сосема интимно кино во кое 24 часа 7 денови во неделата ќе се прикажуваат само љубовни филмови. И приказната продолжи со нови играни и документарни филмови, две играни серии и краткометражни играни филмови на студенти и млади филмски режисери, сценаристи и продуценти кои со своите приказни се дебитанти во светот на филмските мечти. Решивме да продолжиме понатаму. Кога веќе ни оди добро.
Cinemon Media Factory има сопствена ВОД платформа КИНЕМОЕ каде може да се гледаат најдобрите и најновите македонски и регионални продукции.
Cinemon Media Factory е продуцент и ко-продуцент на дестина телевизиски шоуа кои како ин-хаус продукција ги произведува за националната телевизија Алфа Македонија и секој ден се емитуваат на телевизија, на платформи и социјални мрежи.
Cinemon Media Factory нуди услуги во организација на настани, семинари, работилници и прослави а има и сопствен филмски фестивал на медитеранскиот и балканскиот филм ПРЕКУ ЕЗЕРОТО кој ова година по петти пат во Август 2026 ќе се одржи покрај брегот на езерото Дојран. ПРЕКУ ЕЗЕРОТО е најголемиот и најпосетениот филмски фестивал на овој дел од Македонија и соседните земји, и прераснува во важна медитеранска и филмска дестинација.
